Historiani dhe publicisti kosovar Jusuf Buxhovi ka komentuar ashpër natyrën e tubimeve serbe për Vidovdan, duke theksuar se ky ritual vjetor ka pak të bëjë me pelegrinazhin fetar dhe shumë me mobilizimin e strukturuar politik e nationalist. Sipas tij, pjesa dërrmuese e atyre që vijnë nuk janë besimtarë të sinqertë, por militantë të orkestruar nga Beogradi.
Buxhovi vlerëson se Serbia e ka shndërruar 28 qershorin në një vegël gjeopolitike, duke e përdorur si pretekst për të ushtruar trysni simbolike mbi Kosovën dhe për të ruajtur narrativën e saj mbi territorin kosovar. Ky vlerësim vjen në një kohë kur tensionet ndërmjet Beogradit dhe Prishtinës mbeten të larta.
Kosova është shtet i pavarur e sovran dhe çdo pretendim i Serbisë mbi të është i papranueshëm. Deklarata e Buxhovit reflekton shqetësimin e gjerë kosovar ndaj shfrytëzimit të simboleve historike serbe si instrument destabilizimi në rajon.
