Spanja u bë finalistja e parë e Kupës së Botës 2026, duke mundur Francën me rezultat 2-0 në gjysmëfinalen e luajtur në Dallas. Golat e Mikel Oyarzabalit nga pika e bardhë dhe të Pedro Porros vulosën fitoren e ekipit spanjoll, i cili dominoi sfidën kundër kampionëve në fuqi.
Për Spanjën, kjo është finalja e dytë në historinë e saj në Kupën e Botës, pas titullit të fituar në vitin 2010 në Afrikën e Jugut.
Përzgjedhësi Luis de la Fuente shfaqi emocion të thellë pas ndeshjes. "Ka shumë tension, sepse është një përgjegjësi e madhe të jesh në finale. Është një privilegj i madh. Ende nuk e kemi kuptuar plotësisht atë që kemi arritur", tha ai.
Trajneri spanjoll la një mesazh të qartë edhe rreth ndeshjes ndaj Francës: "Franca? Ne e dija që do të përballeshim me një nga ekipet më të mira në botë. Por ata u përballën me ekipin më të mirë në botë. Lojtarët e mi bënë që një gjë shumë të vështirë të dukej e lehtë."
Spanja pret kundërshtarin e finales, e cila pritet të jetë ndeshja kulminante e këtij Botërori.
