Protesta qytetare ka shënuar sot një moment të rëndësishëm — ditën e saj të 120-të. Mijëra qytetarë janë grumbulluar në Sheshin Skënderbej në Tiranë, të vendosur të marshojnë gjatë bulevardit kryesor drejt godinës së Kryeministrisë, ku janë planifikuar fjalime dhe deklarata publike kundër politikave të qeverisë.
Marshimi, i cili nisë nga zemra e kryeqytetit, synon të sjellë mesazhin e protestuesve direkt para dyerve të ekzekutivit. Pjesëmarrësit kanë bërë thirrje të qarta dhe të kahershme: dorëheqja e kryeministrit Edi Rama dhe fillimi i një faze të re politike për vendin.
Kërkesa konkrete: Qeveri kalimtare dhe anulim ligjesh
Platforma e lëvizjes protestuese parashikon ngritjen e një qeverie kalimtare me mandat 12-mujor, e cila do të kishte si mision kryesor përgatitjen e kushteve të favorshme për mbajtjen e zgjedhjeve të ardhshme parlamentare. Sipas organizatorëve, kjo qeveri do të ishte e pavarur nga forcat aktuale politike dhe do të garantonte integritetin e procesit zgjedhor.
BurimiAlbeu
