Jurgen Klopp ka dalë për herë të parë publikisht pas konfirmimit të tij si trajner i ri i kombëtares së Gjermanisë, duke e cilësuar këtë emërim si momentin më të veçantë të karrierës së tij. Teknikiani gjerman shprehu entuziazëm të lartë dhe vendosi qartë objektivat që do të ndjekë në krye të skuadrës kombëtare.
Klopp theksoi forcën simbolike dhe bashkuese që ka kombëtarja për popullin gjerman, duke e konsideruar këtë si motivin kryesor që e shtyu të pranojë sfidën. Ai gjithashtu shprehu mirënjohje ndaj organizatës Red Bull, me të cilën bashkëpunoi gjatë një viti e gjysmë, duke theksuar se ky periudhë e ndihmoi të arrinte deri te ky kapitull i ri i jetës së tij profesionale.
Premtimet e para të Kloppit
Trajneri gjerman u shpreh me fjalë të forta rreth mënyrës se si e sheh rolin e tij: "Ekipi kombëtar mund të na bashkojë ne gjermanëve si pothuajse asgjë tjetër. Pikërisht kjo e bën këtë detyrë kaq të veçantë për mua". Klopp vijoi duke shtuar se ndaj Red Bull ruan mirënjohje të thellë për bashkëpunimin e kaluar dhe për mundësinë që i hapi rrugën drejt kësaj marrëveshjeje.
Lidhur me vizionin sportiv, Klopp ishte i qartë: "Do t'i qasemi kësaj detyre me përulësi dhe durim — të ndërtojmë një ekip që lufton për njëri-tjetrin, që shijon futbollin dhe pas të cilit njerëzit e vendit tonë mund të bashkohen me bindje të plotë". Kjo filozofi, e njohur tashmë nga vitet e tij të suksesshme te Borusia Dortmund dhe Liverpool, tregon se Klopp synon të rigjallërojë shpirtin kolektiv të Gjermanisë.
Ndeshjet e para në horizont
Debuti i Kloppit në pankinën gjermane pritet të jetë intensiv. Në fund të shtatorit dhe fillim të tetorit, kombëtarja do të luajë katër ndeshje brenda një pushimi të vetëm ndërkombëtar — diçka e pazakonshme në kalendarin e futbollit. Programi fillon më 24 shtator në Amsterdam kundër Holandës, e ndjekur nga një ndeshje ndaj Greqisë më 27 shtator në Augsburg, që do të shënojë edhe debutimin e tij si trajner gjerman në shtëpi.
Klopp do të drejtojë ekipin edhe në ndeshjen ndaj Serbisë më 1 tetor në Mynih, ndërkohë që cikli mbyllet më 4 tetor në Selanik kundër Greqisë. Katër ndeshje radhazi do të jenë testi i parë real i filozofisë dhe metodës së teknicientit gjerman me këtë skuadër.
Emërimi i Kloppit shihet si një bast i madh i federatës gjermane për ta rivendosur kombëtaren në majat e futbollit evropian e botëror, pas viteve të fundit të zhgënjimit. Nëse do t'ia dalë ta transferojë energjinë dhe modelin e tij të lojës edhe te Gjermania, do të shihet shpejt në shtator.
BurimiTelegrafi Sport
