Presidenti i Republikës, Bajram Begaj, mblodhi të hënën Këshillin Kombëtar të Sigurisë, në një moment të ndjeshëm për institucionet e rendit dhe sigurisë në vend. Mbledhja nisi në orën 08:30 dhe zgjati rreth një orë, duke sjellë bashkë drejtuesit kryesorë të shtetit dhe institucioneve të sigurisë.
Thirrja e kësaj mbledhjeje erdhi në vazhdën e hetimit të Prokurorisë së Posaçme Kundër Korrupsionit dhe Krimit të Organizuar (SPAK) ndaj Vlora Hysenit, ish-drejtoreshës së Shërbimit Informativ të Shtetit (SHISH). Hysenji ndodhet aktualisht në arrest shtëpie, ndërsa është shkarkuar edhe nga detyra e saj në krye të shërbimit sekret shqiptar.
Kush mori pjesë në mbledhje
Në mbledhje morën pjesë kryeministri Edi Rama, kryetari i Kuvendit Niko Peleshi, si dhe disa ministra me portofole të rëndësishme. Midis tyre ishin ministri i Mbrojtjes Ermal Nufi, ministri i Punëve të Jashtme Ferit Hoxha, ministri i Drejtësisë Toni Gogu, ministri i Brendshëm Ervin Demo dhe ministri i Financave Petrit Malaj. Po ashtu ishin të pranishëm kreu i Shtabit të Përgjithshëm të Forcave të Armatosura, gjeneral Arben Kingji, drejtori i ri i SHISH-it Elvis Lila, si dhe drejtori i Policisë së Shtetit, Skënder Hitaj.
BurimiAlbeu
