Gjykata Supreme e Kosovës ka refuzuar kërkesën e paraqitur nga asamblistët e Lëvizjes Vetëvendosje në Kuvendin Komunal të Prishtinës, me të cilën ata kërkonin anulimin e vendimit të komunës për ndryshimin e biletave të transportit publik. Vendimin e gjykatës e bëri publik kryetari i Prishtinës, Përparim Rama, i cili nuk u kursye në kritika ndaj kundërshtarëve politikë.
Lëvizja Vetëvendosje kishte kundërshtuar në rrugë gjyqësore vendimin e komunës lidhur me çmimet e reja të biletave, duke e çuar çështjen deri në Gjykatën Supreme. Megjithatë, institucioni më i lartë gjyqësor e hodhi poshtë këtë kërkesë, duke i dhënë kështu të drejtë komunës dhe kryetarit Rama në qëndrimin e tyre.
Rama kundëron ashpër: "Jeni dashakëqij dhe të padijshëm"
Pasi mori njoftimin për vendimin gjyqësor, Rama e ndau menjëherë me publikun nëpërmjet rrjeteve sociale, duke e shoqëruar me një mesazh të fortë ndaj asamblistëve të VV-së. "Gjykata Supreme e ka refuzuar kërkesën e grupit të asamblistëve të Lëvizjes Vetëvendosje! Po e ripërsëris, përveç që jeni dashakëqij, jeni edhe të padijshëm", shkroi ai në Facebook.
Shiko edhe
BurimiGazeta Expres
