Ngjarja e rëndë që shqetësoi Ksamilin në orët e para të mëngjesit të sotëm ka marrë përmasa të reja. Krahas arrestimit të autorit të dyshuar të vrasjes, autoritetet kanë vënë pranga edhe një efektiv policie, i cili akuzohet se i hapi rrugën largimit pas krimit të 29-vjeçarit Sokrat V., punëtor i lokalit ku ndodhi tragjedia.
Viktima është identifikuar si shtetasi portugez L.V., i cili u gjet pa shenja jete rreth orës 05:15 në shezlongët e një plazhi pranë një lokali në zonën turistike të Ksamilit. Hetimet paraprake tregojnë se 20-vjeçari ka humbur jetën pas një konflikti për motive të parëndësishme, i goditur me thikë. Menjëherë pas krimit, Sokrat V. u largua nga vendi, duke mbajtur ende të veshur uniformën e punës.
BurimiRTSH
