Presidentja e Komisionit Evropian, Ursula von der Leyen, ka nisur sot vizitën e saj të gjashtë vjetore në Ballkanin Perëndimor, duke e zgjedhur Tiranën si pikënisjeje. Gjatë tre ditëve të ardhshme, ajo do të përshkojë katër vende të rajonit: Shqipërinë, Kosovën, Malin e Zi dhe Maqedoninë e Veriut — me axhendë të fokusuar tërësisht në integrimin evropian dhe hapat konkretë drejt anëtarësimit në Bashkimin Evropian.
Në Tiranë, Von der Leyen është takuar me presidentin Bajram Begaj dhe kryeministrin Edi Rama. Vizitat zhvillohen në kuadër të Planit të Rritjes të BE-së për Ballkanin Perëndimor — një paketë prej gjashtë miliardë eurosh që synon të nxitojë reformat dhe procesin e integrimit gradual të vendeve të rajonit në strukturat evropiane.
Prishtina, Podgorica e Shkupi — projektet evropiane në terren
Të enjten, më 1 tetor, Von der Leyen udhëton drejt Prishtinës, ku do të pritet nga ushtruesja e detyrës së presidentes, Albulena Haxhiu, dhe kryeministri Albin Kurti. Po atë ditë vazhdon në Podgoricë për takime me presidentin e Malit të Zi, Jakov Milatoviq, dhe kryeministrin Milojko Spajiq. Turneu mbyllet të premten, më 2 tetor, në Shkup, ku do të zhvillojë bisedime me presidenten Gordana Siljanovska-Davkova dhe kryeministrin Hristijan Mickoski.
BurimiTelegrafi
