Protestat e paprecedentë kundër qeverisë shqiptare po lënë gjurmë edhe brenda radhëve të Partisë Socialiste. Marjana Koçeku, 26-vjeçe dhe deputetja më e re e parlamentit, njoftoi në mes të qershorit se po linte PS-në. "Nga sot jam deputete e pavarur", shkroi ajo në Facebook, duke shtuar se vlerat dhe idealet e saj i kanë paracaktuar kufijtë e veprimit politik.
Pak ditë pas largimit, Koçeku u pa edhe mes protestuesve — një mesazh i qartë drejtuar ish-partisë së saj. Sipas Balkan Insight, braktisja e saj është shenja më e fortë deri tani e pakënaqësisë brenda PS mbi mënyrën se si kryeministri Edi Rama po i trajtojë protestat.
Zemërimi popullor u ndez pas akuzave se ligjet u manipuluan për të hapur rrugën një projekti luksoz turistik të lidhur me Jared Kushner, dhëndrin e presidentit amerikan Donald Trump. Rama ka zgjedhur qasjen ofensive ndaj protestuesve, qëndrim që ka nxitur kritika jo vetëm nga opozita, por edhe nga ish-zyrtarë e deputetë socialistë.
Situata mbetet e tensionuar, me protestat që vazhdojnë dhe çarjet brenda partisë në pushtet që duken gjithnjë e më të thella.
