Deri në orën 20:00 janë regjistruar 18 vatra zjarri, nga të cilat 9 mbeten aktive dhe 3 janë nën monitorim, sipas ministrisë së Mbrojtjes. Në operacionet në terren janë angazhuar 383 forca operacionale dhe 24 automjete zjarrfikëse, të mbështetura nga 90 efektivë të Forcave të Armatosura, 1 automjet zjarrfikës dhe 4 helikopterë të Forcës Ajrore. Vatrat kryesore aktive:Gojan–Gjegjan, Pukë – Mbetet vatra më problematike, për shkak të terrenit të thyer dhe erës së fortë. Forcat janë përqendruar në mbrojtjen e banesave, ndërsa është kryer edhe evakuimi i banorëve të zonës. Operacioni është mbështetur nga toka dhe ajri, përfshirë 40 efektivë të FA dhe 3 helikopterë. Mal Milot, Kurbin – Vijon ndërhyrja me 3 automjete zjarrfikëse, 1 autobot, 20 efektivë të FA dhe 2 helikopterë. Rreziku për banesat është eliminuar, ndërsa forcat vijojnë punën vënien nën kontroll të vatrës. Mali i Dajtit – Pas një riaktivizimi, operacioni vijon me forca tokësore dhe 1 helikopter të FA-së. Nuk ka rrezik për zonat e banuara. Gjon, Bulqizë – Vatra mbetet aktive dhe po ndiqet nga 5 zjarrfikës, 22 vullnetarë dhe 4 forca bashkiake, me fokus mbrojtjen e banesave pranë zonës së zjarrit. Ballaxhiaj, Memaliaj – Falë ndërhyrjes së forcave operacionale, zjarri është vënë nën kontroll dhe aktualisht ndodhet larg banesave. Në operacion janë angazhuar mjete dhe efektivë zjarrfikës, forca policore dhe vullnetarë. Pozitive paraqitet situata edhe në Qafë Helmes, ku zjarri është fikur nga krahu i Bulqizës dhe izoluar nga krahu i Selishtës, si dhe në Lufaj të Mirditës, ku vatra është vënë nën kontroll. Në të dyja zonat nuk ka rrezik për banesat dhe vijon monitorimi. AKMC vijon koordinimin dhe monitorimin e situatës në të gjithë territorin, në bashkëpunim me strukturat qendrore dhe vendore të sistemit të Mbrojtjes Civile.

Aktualitet
Situata me zjarret në vend, 9 vatra aktive, zonat më të rrezikuara Gojani dhe mali i Dajtit
Lexo gjithashtu

Aktualitet
Operacioni “Risia” në Tiranë: Sekuestrohen 12 kg kanabis xhelatinoz dhe kokainë, një i arrestuar
Policia e Tiranës ka finalizuar operacionin “Risia”, duke sekuestruar mbi 12 kilogramë kanabis në formë xhelatinoze dhe një sasi kokaine. Një person është arrestuar, ndërsa një tjetër është shpallur në kërkim.
2 min

Aktualitet
“Nuk është 10 miliardë euro, por 5.5”, Berisha vijon akuzat për buxhetin: Pensionistët marrin vetëm 1 përqind të GDP-së
Sali Berisha ka vijuar edhe sot akuzat për buxhetin 2027,i cili u miratua në parim pas një seance maratonë diskutimesh. Në një deklaratë për mediat nga selia blu, kreu demokrat dhe tha se shifra…
2 min

Aktualitet
Kuvendi i Shqipërisë kërkon ekspertizë nga Komisioni i Venecias për financimin e partive politike
Kuvendi i Shqipërisë, përmes Kryetarit Niko Peleshi, ka kërkuar zyrtarisht ekspertizën e Komisionit të Venecias lidhur me ligjin për financimin e partive politike, si pjesë e procesit të Reformës Zgjedhore. Kjo kërkesë vjen pas një marrëveshjeje mes bashkëkryetarëve të Komisionit
2 min