Kryeministri Edi Rama ka dalë publikisht për herë të dytë brenda pak ditësh lidhur me vendimin e Gjykatës Administrative për pagat e gjyqtarëve dhe magjistratëve, duke sqaruar se çfarë parashikon në të vërtetë ky vendim dhe cilat janë pasojat financiare për buxhetin e shtetit. Sipas tij, vendimi nuk kufizohet vetëm në rritjen e menjëhershme të pagave me 51 për qind, por përfshin edhe një kërkesë për shlyerjen e shumave të prapambetura që nga prilli i vitit 2023.
Në një postim të publikuar në platformën "X", Rama shpjegoi se Gjykata Administrative ka arsyetuar se pagat e gjyqtarëve duhej të ishin rritur që prej vitit 2023 në të njëjtën masë sa kërkohet të zbatohet sot. Ky interpretim, sipas kryeministrit, çon automatikisht në detyrimin për pagimin e diferencave për 40 muajt e kaluar — një shumë që, sipas llogaritjeve të qeverisë, arrin në 12 miliardë lekë.
Rama: Ministri i Financave nuk do të shkelte ligjin
Duke iu referuar tabelës financiare që bashkëngjitur postimit, Rama çoi mesazhin se secili gjykatës do të merrte shumën e prapambeturës personalisht, nëse do të zbatohej vendimmarrja pa filtra ligjorë. Kryeministri e cilësoi vendimin si "kutërisje" të Gjykatës Administrative dhe nënvizoi se ky lloj veprimi — sigurimi i padisë jo për të ndaluar një akt, por për ta detyruar atë — është i paprecedentë.
"Gjeni në tabelën bashkëngjitur sa do të merrte çdo gjykatës personalisht në dorë nesër si shumë të prapambetur, sikur ministri i financave të shkelte ligjin dhe të shkonte pas berihajit të kësaj vendimmarrjeje ekstra-parlamentare", shkroi Rama në postimin e tij.
Konflikti midis pushtetit gjyqësor dhe ekzekutivit thellohet
Ky reagim i dytë i kryeministrit vjen si vazhdim i një debati të ashpër publik mes qeverisë dhe gjyqësorit, i cili ka marrë dimensione të reja pas vendimit të Gjykatës Administrative. Qeveria ka qëndruar e prerë se zbatimi i drejtpërdrejtë i vendimit do të sillte pasoja të rënda buxhetore dhe do të shkelonte procedurat parlamentare të miratimit të shpenzimeve publike.
Situata ngre pyetje serioze mbi marrëdhëniet ndërinstitucionale në vend, në një kohë kur reforma në drejtësi ende konsolidohet. Çfarë do të vendosë Ministria e Financave dhe nëse çështja do të kalojë para Gjykatës Kushtetuese mbetet të shihet në ditët në vijim.
Shiko edhe
BurimiRTSH
