Kryeministri Edi Rama u shpreh me qartësi politike pas konfirmimit nga autoritetet gjermane se Rusia qëndron pas tentativës së sulmit me dronë ndaj aeroportit të Leipzigut, gjatë muajit gusht. Nëpërmjet rrjetit social X, Rama cilësoi ngjarjen si akt agresioni të hapur ndaj Gjermanisë dhe sigurisë evropiane, duke u vënë plotësisht krah kancelarit Friedrich Merz.
"Solidaritet i plotë me mikun tim Friedrich Merz, me Qeverinë gjermane dhe me popullin gjerman. Kancelari ka të drejtë që përgjigjet me qartësi dhe vendosmëri. Përballë luftës hibride nuk ka vend për hezitim. Shqipëria qëndron e palëkundur përkrah Gjermanisë, Ukrainës dhe të gjithë aleatëve tanë të NATO-s", shkroi kreu i qeverisë shqiptare.
Çfarë ndodhi në Leipzig dhe si reagoi Berlini
Hetimet gjermane zbuluan tre dronë të ngarkuar me eksploziv në zonën e aeroportit Leipzig/Halle. Objektivat e dyshuara ishin avionët e mallrave ukrainas dhe infrastruktura logjistike e kompanisë DHL. Ministri i Brendshëm gjerman, Alexander Dobrindt, deklaroi se provat e inteligjencës vërtetojnë përgjegjësinë ruse, duke e cilësuar këtë incident si pjesë të "një serie të gjatë operacionesh destabilizuese" të organizuara nga Moska.
BurimiRTSH
