Lajmi i fundit
Rajoni – BotaSulme masive ruse në Kiev, raportohen viktima dhe dëme të shumta·AktualitetPerceptimi i korrupsionit rritet ndjeshëm në Shqipëri, shënon rënie në rajon·Vora NewsShijak : Falë mbështetjes së qeverisë dhe Kryeministrit Rama, investimet në Shijak po kthejnë në realitet kërkesat e komunitetit·AktualitetOperacioni “Risia” në Tiranë: Sekuestrohen 12 kg kanabis xhelatinoz dhe kokainë, një i arrestuar·PolitikëMarshim protestues në Tiranë kërkon largimin e kryeministrit Rama·Rajoni – BotaKuvendi i Kosovës miraton tri marrëveshje ndërkombëtare thelbësore·EkonomiaBanorët e Ballkanit Perëndimor ndihen më të sigurt, por shqetësimi për koston e jetesës mbetet thelbësor·Rajoni – BotaKosovës i mbaron durimi: Ndalohet tregtia e energjisë me Serbinë pas bllokimit të linjave·Rajoni – BotaSulme masive ruse në Kiev, raportohen viktima dhe dëme të shumta·AktualitetPerceptimi i korrupsionit rritet ndjeshëm në Shqipëri, shënon rënie në rajon·Vora NewsShijak : Falë mbështetjes së qeverisë dhe Kryeministrit Rama, investimet në Shijak po kthejnë në realitet kërkesat e komunitetit·AktualitetOperacioni “Risia” në Tiranë: Sekuestrohen 12 kg kanabis xhelatinoz dhe kokainë, një i arrestuar·PolitikëMarshim protestues në Tiranë kërkon largimin e kryeministrit Rama·Rajoni – BotaKuvendi i Kosovës miraton tri marrëveshje ndërkombëtare thelbësore·EkonomiaBanorët e Ballkanit Perëndimor ndihen më të sigurt, por shqetësimi për koston e jetesës mbetet thelbësor·Rajoni – BotaKosovës i mbaron durimi: Ndalohet tregtia e energjisë me Serbinë pas bllokimit të linjave·
Vora News
Kursi
USD81,50/82,50EUR89,80/90,40GBP107,00/108,00CHF96,70/97,90SEK6,92/7,61NOK6,87/7,56DKK10,17/11,26PLN19,67/20,38TRY1,60/1,70RSD0,73/0,76MKD1,44/1,49CAD56,90/58,00AUD54,20/55,20JPY0,5/0,53CNY11,66/12,39USD81,50/82,50EUR89,80/90,40GBP107,00/108,00CHF96,70/97,90SEK6,92/7,61NOK6,87/7,56DKK10,17/11,26PLN19,67/20,38TRY1,60/1,70RSD0,73/0,76MKD1,44/1,49CAD56,90/58,00AUD54,20/55,20JPY0,5/0,53CNY11,66/12,39
Rama: Projekti i Zvërnecit nuk ndalet, do konsultohemi — algoritmet mobilizuan protestuesit
Politikë

Rama: Projekti i Zvërnecit nuk ndalet, do konsultohemi — algoritmet mobilizuan protestuesit

Kryeministri flet për median britanike UnHerd: protestat aktuale kanë ngjyrim politik, por qytetarët kanë të drejtë të dalin në rrugë

Nga Redaksia Vora News21 Gusht 2026, 10:012 min lexim3
Ndaj

Kryeministri Edi Rama ka dhënë një intervistë të gjatë për platformën britanike UnHerd, ku ka komentuar protestat e fundit në Tiranë, projektin e diskutueshëm të Zvërnecit dhe akuzat e opozitës ndaj qeverisë. Rama ka qenë i prerë: projekti nuk do të ndalet, por qeveria do të nisë një proces konsultimi me të gjitha palët e interesuara, duke premtuar se në fund rezultati "do të jetë i bukur".

Rama dallon protestat: qershor kundër gushtit

Kryeministri bëri një dallim të qartë midis protestave të qershorit dhe atyre të fundit. Sipas tij, ato të qershorit ishin më të gjera dhe kishin në radhët e tyre edhe votues të Partisë Socialiste, ndërsa protestat aktuale karakterizohen nga një peshë politike më e theksuar, të nxitura sipas tij nga forca të vogla opozitare, si nga e majta ashtu edhe nga e djathta ekstreme. "Protestat e sotme nuk janë protestat e qershorit, kështu që njerëzit që folën sot janë të ndryshëm", deklaroi Rama. Pavarësisht kësaj, ai u shpreh "shumë krenar" për karakterin paqësor të protestave: "Jam shumë, shumë krenar që kemi pasur një protestë kaq të madhe për ditë të tëra në një mënyrë shumë paqësore, dhe se askush nuk u lëndua."

Rama e lidhur mobilizimin e protestuesve me rolin e rrjeteve sociale dhe algoritmeve, duke pretenduar se një pjesë e konsiderueshme e përmbajtjes online rreth protestave është prodhuar jashtë kufijve të Shqipërisë. "Algoritmi bëri shumë për t'i sjellë ato në bulevard. Një përqindje shumë e lartë e përmbajtjes prodhohet jashtë ndërtesës. Nuk është shqiptare", theksoi kryeministri. Ai shtoi gjithashtu se tema e lidhjes së projektit me familjen Kushner dhe administratën Trump e ka amplifikuar ndjeshëm debatin në rrjetet sociale: "Nëse kjo nuk do të kishte të bënte me Jared Kushnerin, Trumpin, Ivankën dhe të gjitha llojet e fantazive, kjo nuk do të kishte qenë aq e mirë për algoritmin."

Akuzat për krimin e organizuar dhe etiketa "narko-shtet"

Kur intervistatja e pyeti për pretendimet e opozitës mbi lidhje të supozuara të qeverisë me krimin e organizuar, Rama i hodhi poshtë kategorikisht, duke kërkuar prova konkrete dhe duke insistuar se barra e provës i takon atyre që ngrenë akuza. Ai kundërshtoi me forcë edhe cilësimin e Shqipërisë si "narko-shtet", duke e paraqitur si të papajtueshme me rrugëtimin e vendit drejt Bashkimit Evropian. "'Narko-shtet', një narko-shtet që filloi të mbyllë kapitujt e negociatave me BE-në? Nuk përputhet në asnjë formë apo formë", tha ai.

Rama refuzoi të komentonte kritikat e ish-ministres Elisa Spiropali dhe spekulimet për tension brenda Partisë Socialiste, duke e cilësuar këtë si çështje të brendshme partiake. Për trashëgiminë e tij politike, kryeministri u shpreh i qetë: "Jo, si mund ta kërcënojnë protestat trashëgiminë? Më pëlqen presioni." Ai kujtoi se edhe në vitet 2013 dhe 2018 kishte përballuar valë protestash, herë duke pranuar gabimin, herë duke zgjedhur dialogun. Pas 13 vitesh në krye të qeverisë, Rama tha se nuk ka asgjë për të provuar: "Kam vendin tim në historinë e këtij vendi", deklaroi ai, duke lënë vlerësimin përfundimtar në duart e popullit shqiptar.

Ndaj