Kryeministri Edi Rama organizoi këtë të dielë një mbledhje pune me drejtuesit politikë të Partisë Socialiste në Vilën qeveritare të Pogradecit. Punimet nisën në orën 11:30 dhe zgjatën mbi shtatë orë, duke trajtuar çështje që lidhen me konsolidimin e strukturave të partisë dhe raportin me elektoratin.
Dokumentet "Besa" dhe "Prania Besnike" në fokus
Rama e hapi takimin me një fjalim hyrës që zgjati rreth një orë, duke vendosur tonin e diskutimeve që pasuan. Boshti kryesor i mbledhjes ishte shqyrtimi i dy dokumenteve të reja partiake: "Besa" dhe "Prania Besnike", të cilat pritet të drejtojnë angazhimin politik dhe territorial të socialistëve në periudhën e ardhshme. Drejtuesit politikë dhe kryetarët e komisioneve parlamentare morën pjesë aktive në diskutimet rreth këtyre dokumenteve.
BurimiEuro news Albania
