Kryeministri Edi Rama ka ndërhyrë publikisht me një qëndrim të fortë politik e moral në mbështetje të Hashim Thaçit dhe ish-krerëve të tjerë të Ushtrisë Çlirimtare të Kosovës, ndërkohë që procesi gjyqësor ndaj tyre në Hagë po hyn në fazën e tij të fundit. Rama e cilësoi gjykimin si "farsë" dhe u shpreh i bindur se e vërteta do të triumfojë.
Shkrimi i publikuar në rrjetet sociale nga kryeministri shqiptar erdhi në një moment kyç të procesit, teksa mbrojtja dhe aktakuza po i japin goditjet e fundit argumenteve të tyre. Rama nuk u kufizua në fjalë mbështetjeje të zakonshme — ai e ngriti çështjen në nivelin e një beteje historike për lirinë dhe dinjitetin e çlirmtarëve shqiptarë.
Kuotimi i plotë i Ramës: liria dhe e vërteta si armë
"Farsa është në ditët e fundit dhe gjithçka pret njeriu nga autorët e saj, por siç e ka thënë vetë Hashimi, lirinë nuk ia merr dot askush, askund, e ashtu siç Kosova triumfoi duke besuar te liria edhe kur s'kishte askënd e asgjë përpos etjes së vet për liri, ashtu do të triumfojë edhe Hashim Thaçi me forcën e të vërtetës së tij, të cilën vitet e burgut veç e kanë bërë më të madhe bashkë me mbështetjen e krejt shqiptarisë" — kështu shkroi Rama në profilin e tij zyrtar.
BurimiRTSH
