Sot në orën 19:00 Tirana do të jetë sërish skenë e një proteste të madhe kundër qeverisë dhe kryeministrit Edi Rama. Bëhet fjalë për tubimin e 28-të radhazi, të cilin organizatorët e cilësojnë si mbarëkombëtar.
Protestuesit do të mblidhen fillimisht në sheshin "Skënderbej", për të marshuar më pas drejt godinës së Kryeministrisë. Një nga kërkesat kryesore mbetet dorëheqja e Edi Ramës nga posti i kryeministrit.
Një element i ri i këtij tubimi është pjesëmarrja e pritshme e shqiptarëve nga diaspora, të cilët pritet të jenë prezentë fizikisht në Tiranë, duke i dhënë protestës një karakter më të gjerë kombëtar.
