Nga mbyllja e garës për prokuror të përgjithshëm gjatë ditës së kaluar, Këshilli i Lartë i Prokurorisë ka 45 ditë që të verifikojë kandidaturat e pretendentëve që kanë shprehur interes, duke dorëzuar dokumentet dhe jetëshkrimin pranë qeverisë së akuzës.Siç raporton gazetarja e Top Channel, Anila Hoxha, data 1 gusht deri në mesnatë ishte afati i fundit për konkurrentët që synojnë të marrin drejtimin e Prokurorisë së Përgjithshme për shtatë vitet në vijim dhe nga kjo e diel nis numërimi i afatit për KLP dhe komisionin përgjegjës të emërimeve që të shqyrtojë dokumentacionin. Teksa në rrugë elektronike, por edhe fizikisht, deri në datën 1 gusht dorëzuan jetëshkrimin dhe shprehën interes katër prokurorë, mes tyre prokurori i SPAK, Adnan Xholi, prokurorja e kryeqytetit Rovena Zoto dhe prokurorët Ylli Pjetërnikaj dhe Fatjona Memçaj, pritet që të konfirmohet nëse kandidatë të tjerë e kanë përcjellë apo jo dosjen personale me postë në momentet e fundit.Mes emrave të përfolur ka qenë edhe ai i ish-prokurores së përgjithshme të përkohshme, zonjës Arta Marku, por edhe emri i ish-prokurores së Krimeve të Rënda, zonjës Pranvera Pustina, për të cilat do të vërtetohet të hënën nëse kanë shfrytëzuar postën gjatë orëve të fundit. Teksa njerëzit e drejtësisë kanë nisur pushimet, komisioni i karrierës duhet t’u përcjellë brenda gushtit institucioneve si ILDKPI kërkesa për verifikim pasurie, si edhe organeve të administratës tatimore dhe doganore, Byrosë Kombëtare të Hetimit, shërbimeve shtetërore informative, Autoritetit për Informimin mbi Dokumentet e ish-Sigurimit të Shtetit, si dhe çdo organi disiplinor që ka mbikëqyrur disiplinën në marrëdhëniet e punës së kandidatit. Vetëm pasi të përfundojë ky vetting ndaj kandidatëve, vendoset që pretendentët që plotësojnë kushtet të thirren në seancë dëgjimore. Gara për prokuror të përgjithshëm u hap nga KLP, pasi në muajin dhjetor i përfundon mandati prokurorit të përgjithshëm, z. Olsian Çela.
Mbyllja e garës për prokuror të përgjithshëm, nis verifikimi i kandidaturave nga KLP. Ja katër emrat zyrtarë
Lexo gjithashtu
SPAK kërkon 302 vite burg për 15 të pandehurit e dosjes “Plumbi i Artë”
Prokuroria e Posaçme ka kërkuar në total 302 vite burg për 15 personat e akuzuar në dosjen “Plumbi i Artë”, një prej hetimeve më thelbësore kundër krimit të organizuar në Shqipëri. Tre prej të pandehurve janë bashkëpunëtorë të drejtësisë, të cilët rrezikojnë dënime më të ulëta.
Studentët ndryshojnë strategjinë e protestave, dy tubime kombëtare në javë kundër qeverisë
Pas më shumë se 150 ditësh proteste, lëvizja studentore në Shqipëri ka vendosur të ndryshojë strategjinë, duke organizuar dy tubime kombëtare çdo javë. Qëllimi është rritja e presionit ndaj qeverisë dhe mobilizimi i mëtejshëm i qytetarëve, në vazhdën e kërkesës për dorëheqjen e K
Specialja nis hetimin ndaj zyrtarëve shtetërorë për rastin Arlinda Zekaj
Prokuroria Speciale e Kosovës ka nisur hetimet për të vlerësuar përgjegjësinë e zyrtarëve shtetërorë në lidhje me trajtimin e rastit të viktimës Arlinda Zekaj. Ky hap vjen pas shqetësimeve të ngritura për mosveprimin e institucioneve në mbrojtjen e të miturës.