Pothuajse 4 familje nga 10 në Shqipëri nuk kanë mundësi financiare të ngrohin shtëpinë e tyre gjatë muajve të ftohtë. Kjo është pasqyra e zymtë që dalin nga të dhënat e fundit të Organizatës për Bashkëpunim dhe Zhvillim Ekonomik (OECD), të cilat vendosin Shqipërinë dhe Kosovën në krye të listës evropiane për atë që njihet si "varfëri energjetike".
Sipas shifrave të publikuara nga OECD, 38% e familjeve në Shqipëri dhe afërsisht 40% e familjeve në Kosovë nuk mund ta mbajnë banesën e ngrohtë — kryesisht për shkak të kombinimit shkatërrues të kostove të larta të energjisë dhe të ardhurave të ulëta. Këto janë normat më të larta të regjistruara në të gjithë Evropën, duke lënë pas çdo vendi tjetër të kontinentit.
BurimiEuro news Albania
