Presidenti iranian Masoud Pezeshkian ka bërë të ditur se 6 miliardë dollarë nga gjithsej 12 miliardë dollarë asete të ngrira të Iranit në Katar do të transferohen sërish drejt Teheranit. Njoftimi u bë gjatë takimeve me klerikë të lartë në qytetin e shenjtë të Qom, sipas Telegrafit.
Agjencia iraniane Tasnim e citoi Pezeshkian duke thënë se procedurat e nevojshme ligjore dhe diplomatike janë në proces edhe për kthimin e gjysmës së mbetur të fondeve. Nuk u precizua afati kohor i saktë i transferimit.
Asetet e ngrira të Iranit në shtetet e ndryshme kanë qenë prej vitesh burim tensionesh diplomatike, kryesisht si pasojë e sanksioneve ndërkombëtare. Lëvizja e fundit mund të shërbejë si tregues i ndryshimeve në ekuilibrat ekonomikë dhe politikë rajonalë të Lindjes së Mesme.
