Në orët e para të mëngjesit të sotëm janë ushtruar kontrolle në burgun e Durrësit ku bëhet me dije se janë gjetur 5 celuare në sektorin ku vuajnë dënimin disa ish-zyrtarë, mes tyre dhe kryebashkiaku i Tiranës, Erion Veliaj, sipas gazetares Anila Hoxha.
Kontrolli i kryer nga strukturat e Drejtorisë së Përgjithshme të Burgjeve. Ndërsa bëhet me dije se deri më tani nuk është zbuluar akoma saktësisht se cilëve prej personave që ndodhen në këtë sektor u përkasin pesë celularët e gjetur.
Po ashtu bëhet me dije se celularët e gjetur në orët e para të mëngjesit të sotëm, i janë dërguar SPAK-ut përmes BKH-së, për t’iu nënshtruar eskpertizës së posaçme.
Ekspertiza pritet që të zbardhë konkretisht se kujt i përkasin paijsjet si dhe në zbardhjen e rrethanave se si celularët kanë përfunduar brenda ambienteve të burgut. Ndërsa bëhet me dije se po vijojnë hetimet për të zbuluar dhe nëse celularët janë vënë në përdorim në burgun e Durrësit.
