Aktualitet

Rinas-Policia Kufitare e Rinasit godet një tjetër rast të mitëdhënies, me qëllim shmangien e kontrollit të dokumentacionit, për të udhëtuar drejt hapësirës Schengen.

Rinas

Policia Kufitare e Rinasit godet një tjetër rast të mitëdhënies, me qëllim shmangien e kontrollit të dokumentacionit, për të udhëtuar drejt hapësirës Schengen.

Kishte konsumuar afatet e qëndrimit në zonën Schengen, 36-vjeçari tentoi të korruptojë punonjësit e Policisë Kufitare duke iu ofruar një kartëmonedhë 50 euro, për të udhëtuar sërish drejt vendeve të BE-së.

Shërbimet e Policisë Kufitare, në vijim të kontrolleve të imtësishme, me qëllim parandalimin e azilkërkimit, të mos lejimit të atyre personave që kanë shkelur afatet e qëndrimit apo që nuk përmbushin kriteret për të udhëtuar në vendet e BE-së, gjatë paradites së sotme kanë goditur një tjetër rast të tentativës për të korruptuar punonjësit e Policisë Kufitare.

Shtetasi F. A., 36 vjeç, rreth orës 09:30 është paraqitur në aeroport, për të udhëtuar drejt një vendi të BE-së. Pas mbërritjes në kabinën e kontrollit kufitar, ky shtetas ka paraqitur pasaportën e tij si dokument udhëtimi dhe boarding pass.

Nga ana e efektivëve të Policisë Kufitare i është kërkuar një dokumentacion shtesë që të justifikonte qëllimin e udhëtimit të tij, pasi u konstatua se kishte konsumuar afatin e qëndrimit në zonën Schengen. Ky shtetas nuk ka pasur ndonjë dokument qëndrimi në vendet e zonës Schengen dhe për këtë arsye është njoftuar nga ana e punonjësve të Policisë Kufitare se do i refuzohej dalja nga Shqipëria.

Pasi ka marrë këtë njoftim, shtetasi F. A. ka nxjerrë një kartëmonedhë 50 euro, me të cilën ka tentuar të korruptojë punonjësit e Policisë Kufitare.

Menjëherë, shërbimet e Policisë Kufitare kanë bërë arrestimin në flagrancë të shtetasit F. A., për veprën penale “Korrupsioni aktiv i personave qe ushtrojnë funksione publike”. Materialet në ngarkim të tij do t’i kalojnë Prokurorisë, për veprime të mëtejshme.

Policia Kufitare apelon për të gjithë ata qytetarë që duan të qarkullojnë drejt vendeve të BE-së, që të plotësojnë të gjitha kriteret për të qarkulluar dhe të mos tentojnë të korruptojnë punonjësit e Policisë, pasi do përballen me ligjin.

voradmin

Misioni i Vora News është informimi i publikut duke u nisur nga disa kritere: depolitizimi, angazhimi për paanësi dhe ndershmëri do të jetë një kategori e re dhe e identifikueshme e gazetarisë ku qëllimi i saj është të sigurojë një analizë të saktë dhe të paanshme të deklaratave, në mënyrë që të korrigjojë perceptimet e gabuara tek audienca dhe të rrisë njohuritë e publikut mbi çështje e rendesishme te aktualitetit. Gazetaria drejt rikthimit tek misioni i saj!
Back to top button

Adblock Detected

Please consider supporting us by disabling your ad blocker